2014/08/24

稻.拉麵。重遇「東京阿姑奶」

最近,逢周五都會收睇 now 100 台跟浙江衛視同步直播的《中國好聲音》,由於節目獲理想集團贊助,廣告時段總被其旗下餐廳「入腦式宣傳」轟炸,終於抵受唔住去了新開設的稻.拉麵試試。


稻.拉麵位於鴻圖道,離 apm / 觀塘廣場約 15 分鐘腳程,附近都是工廠大廈,夜晚比較僻靜。以拉麵店來說,稻.拉麵地方頗為寬敞,大概提供四十個座位,或者因為新開張關係,這晚無需等位,我和老婆二人直入坐吧檯,真好!

特製鮮雞沙甸魚乾湯拉麵 ($98)
餐牌內拉麵沾麵各據一方,口味選擇包括「豬骨魚介鹽湯」、「鮮雞沙甸魚乾湯」、「豬骨番茄湯」等,一看「魚介」二字,有種似曾相識的感覺,其後老婆抬頭一看,原來這裡的拉麵師傅是尖沙咀 Agura 東京ラーメン的長谷川 san!

 
特製豬骨魚介鹽湯拉麵 ($98)
我點了特製豬骨魚介鹽湯拉麵 ($98),賣相跟 Agura 東京ラーメン 時期的很接近,豬骨魚介湯底比較杰身,灑滿芝麻,令味道更加香濃,所以放了一片青檸解解膩。相對來說,老婆的特製鮮雞沙甸魚乾湯就多了一分清甜,亦很討好。



叉燒一共三片,薄身,上檯前先以噴鎗炙燒過,富焦香,但肉質比較腍軟,一夾易散。


半熟蛋不用加錢,是可取之處,但入口水準跟以往有別,不知是否貨源不同之故。


落單時忘記要求麵條的硬度,幸好入口麵仍爽彈,這種麵條很掛湯,早知加 $10 要大盛啦!


老婆:「嘩!你好耐無飲晒碗湯喇喎~」
我:「係呀!好食丫!

或者因為新開張,部份店員有點生手,最奇怪係,點解我杯凍玄米茶飲飲下會變成凍水呢?

稻.拉麵
觀塘鴻圖道東瀛遊廣場地下

2 則留言:

LinkWithin

Related Posts with Thumbnails