2014/08/17

永順食店。地道沙嗲牛肉「蟹王麵」

每次去茶餐廳吃早餐,我的選擇都是沙嗲牛麵配熱奶茶,風雨不改,這種習慣,好聽就叫「專一」,唔好聽就係「忟塞」。

好吃的沙嗲牛麵,最緊要麵夠爽,牛要滑,沙嗲亦要下得慷慨。講就容易,事實上整得好吃的茶記少之又少,印象中除了灣仔的華南粉麵外,元朗的永順食店亦值得推介。


永順食店是間普通茶記,位置隱蔽,卻不算難找,因為就在元朗大榮華後面的小街。周六下午一點來到,店內人客多,店外停泊的私家車亦多,再遇上賽馬日,部份人邊歎啡邊刨馬,場面好不熱鬧。


沙嗲牛麵廿零蚊碗,已配上出前一丁,如果轉叫蟹王麵,就要另加兩蚊。

蟹王麵究竟是乜傢伙?最近見人形容「賽磅蟹」味如蟹肉,莫非「蟹王麵」會有蟹味?

非也,蟹王麵其實都係即食麵,絕無蟹味,如跟出前一丁比較,麵條相對幼一點,質感比較滑,如果你同我一樣未試過,都值得加兩蚊架 (百佳惠康買唔到嘛~)!


等麵期間,先來碟炸豬扒,炸皮明顯很薄,熱辣辣的吃很香口,最好吃的是半肥瘦的邊位,讚!


沙嗲牛麵賣相平實,但沙嗲醬下得夠慷慨,牛肉薄切,咬下去軟腍,梳打粉有下過但不太過份,蟹王麵上文已曾提及,我個人還是比較喜歡爽口的一丁麵,唔知大家又覺得點呢?


當然少不了一杯熱奶茶押尾,挺滑溜的,茶味亦來得恰當,如果我住在元朗的話,相信會常幫襯。

蟹王麵真身
(圖片載自高登,多謝高登先!)
最近新假期介紹了另一間元朗茶記「萬芳冰室」,比較靚裝, 有賣蟹王麵,又有紅豆冰,仲有一道沙茶炒飯,很吸引,決定搵日試完再報告!

永順食店
元朗安寧路2號冠煌樓地下

沒有留言:

發佈留言

LinkWithin

Related Posts with Thumbnails