2013/05/04

壹碗麵。在鰂魚涌重遇闊身麵

從壹碗麵的 Facebook 專頁得知,位於鰂魚涌濱海街的新店終於開業,這晚在太古試完「麥趣飯」後,就立即和女友去食碗靚麵。


我覺得以往和富道已經夠偏僻了,現在濱海街就更荒蕪,由於壹碗麵的位置比同街的坐忘還要入,晚上來的話,感覺實在冷清,我們甚至一度懷疑店子沒開門做生意。


店員先送上免費附送的豬骨湯,很住家的味道,正好滋潤一下喉嚨。


當我和女友正在苦惱應該吃闊身麵還是 QQ 麵之際,食友黑洞、星爺突然推門而進,太好了,來多兩個胃,我們就可以叫齊兩款麵,再試多些小食都無問題。

先來鹹香雞撈 QQ 麵 ($48),QQ 麵的外形有點像茶記的港式意粉,叫得做 「QQ」,麵條應該很有口感,但入口卻好像沒有預期的彈性。至於鹹香雞,我本身以為是「客家鹹雞」之類的東東,上檯後才發現是普通的白切雞,幸好雞算得上皮滑肉嫩,加上薑蔥同吃仍很不錯。

接著是鮑魚腩撈闊身麵 ($52),蝴蝶腩吃得多,鮑魚腩還是第一次吃,原來是豬的「面珠登」,入口腍軟,邊位又帶一點爽脆,挺特別。闊身麵水準和以往相若,但味道好像淡了一點,這時候務必要吃店家自家製的沙茶醬,絕對是滋味來源,不過,以前是整瓶放在檯頭任添,現在卻只有一小碟......


小食方面,當然要來一只溏心浸酒蛋 ($15),據知暫時只在晚市供應,蛋一剖開即流出動人蛋汁,滑溜、香甜,兼帶一絲酒香,好吃!


麻香豬耳絲 ($35) 份量很足,豬耳絲吃起來很爽脆,辣度則十分輕微,店方建議蘸白糖吃,我覺得有點多此一舉。


還有炸原件芝麻豆腐 ($32),店員再三呼籲趁熱吃,可惜炸過的豆腐淋上醬汁後並沒有脆口感覺,幸好質地還算嫩滑,連同蝦乾吃挺特別,不過,係咪叫「炸原件豆腐配芝麻醬」會貼切一點呢?


最後,女友叫了一杯牛蒡准山蜜糖水 ($18),呈墨綠色的,坦白說我有少少抗拒,飲落味道偏淡,即使加了蜜糖,甜味仍聊勝於無,唯有安慰自己這是健康飲品吧!

壹碗麵 Mian
鰂魚涌濱海街48號地下

4 則留言:

  1. !!!!!
    原來係個到開左!!!
    可以走之前盡情咁食!!

    回覆刪除
    回覆
    1. 唔知。。可能最後係返鰂魚涌。。。宜家未定,只知會走。。

      刪除
    2. ic,咁仲順路就去食碗麵先啦 XD

      刪除

LinkWithin

Related Posts with Thumbnails