2013/05/30

兄弟得記燒臘飯店。麻甩叉燒飯

上星期五晚,走入港會睇七人足球賽,短短的兩個半小時內,看到舒靈咸列馬倫安達頓般莫迪米高格雷等前英超球星的風采 (其實還有譚兆偉、李偉文、賴啟卓等前港甲球星),或者他們的人氣不及往年,但腳下功夫仍在,完場後亦樂意為球迷們簽名合照留念,來者不拒,沒半點架子。

難得撇下女友,當然要把握機會吃個「麻甩飯」,所謂的「麻甩飯」,就係平時拍拖唔會去/去唔到/唔敢去的餐廳,很難明嗎?燒臘舖就是一例,這晚目標是時代廣場附近的兄弟得記燒臘飯店


兄弟得記位於勿地臣街,亦即和早前結業的禮頓麵包餅店同一條街,印象中我曾經過這裡無數次,但都過門不入,直至看到 May 姐的專欄介紹,才把店名記下來。

標準的燒臘店格局,環境跟灣仔再興差不多,但客源清一色麻甩佬 (包括我),除供應燒味飯外,餐牌上還有一系列炒粉麵飯,暗啞底原來是間茶記。


點了一客叉燒飯 ($36),叉燒看起來其貌不揚,肉質原來相當軟腍,部份燶邊,更間著一份肥脂,口感不俗。叉燒飯搭上一條烚菜,為麻甩飯加添一點綠,聊勝於無,白飯底勝在軟熟兼夠熱,撈汁吃令人欲罷不能,本來不餓的我,最後竟扒個清光,吃得滿意,下次一於再來試燒肉!

同場加映:

前曼聯/英格蘭球星:
舒靈咸
前富咸/葡萄牙球星:
般莫迪
前阿積士/芬蘭球星:
列馬倫
(唉,距離實在太遠了...)

兄弟得記燒臘飯店
銅鑼灣勿地臣街14號地下

沒有留言:

發佈留言

LinkWithin

Related Posts with Thumbnails