2012/10/30

油麻地蘇記。梁家權推介 - 「東莞佬水餃」

周日女友需加班,陪她在佐敦吃個中午飯後,自己一個在街上遊蕩,突然想起梁家權先生推介的「東莞佬水餃」就在附近,一於去買盒生水餃回家試試。


「東莞佬水餃」位於渡船角,每次來這邊都是夜晚,吃吃雞煲、串燒或腸粉粥品,很是熱鬧,日頭則回歸淡靜,街口只得數間茶餐廳開門做生意,而「東莞佬水餃」店子小小,即使路過亦未必覺眼,內裡地方相當淺窄,只能容納店主林先生一人包餃子。不要以為林先生就是東莞佬,東莞佬其實另有其人,以前主要賣豬扒雞翼,但現在已經無做,而林先生又沒有換招牌,所以才出現「東莞佬水餃」的誤會,正確店名其實是「油麻地蘇記」。


蘇記賣的水餃/雲吞全由林先生一人親手包製,水餃包括菜肉餃、韮菜餃及芹菜餃三款,可雙拼或三拼,一盒 40 隻賣 $30,鮮蝦雲吞則貴一點,12 隻賣 $20。

林先生很健談,見我生面口,錢都未收就先教我點煮,由於生水餃是每日新鮮包製的,所以回家後要第一時間放入冰箱冷藏,煮法其實很簡單,滾一煲水煮 4 分鐘即可,要留意水餃皮比較薄,如果麵粉把水餃黏在一起,千萬不要用死力強行分開,直接將其放落滾水中就可以了。

林先生問:「你係咪住附近架?點解會幫襯?」
我答:「聽人介紹架。」
林先生:「聽電台?係咪梁家權?佢就慘啦,電台都無得做喇!咁你住邊架?」
我答:「將軍澳呀~」
林先生:「嘩,咁你咪專登搭十幾蚊車黎買水餃囉!」然後,他又教我點搭巴士番將軍澳,哈哈,很熱情。

和林先生傾多兩傾,原來渡船角的小店因難敵租金上漲,將於十月尾結業,十一月一日起將會搬到太子繼續營業,更托我去梁家權的 facebook 專頁留個言,以免他白行。「下次如果你想買,call 一 cal 我先啦,有時送貨行開行埋,又或者叫我拎去地鐵站比你都得架!」這位林先生真係無得頂,服務態度 100 分!


買了一盒菜肉餃,以為 40隻數量太多?原來水餃全是一口吃的 size,很易入口,味道方面也相當不錯,皮薄,菜肉餡調味恰好,當中更夾雜了木耳絲,食落帶點爽脆口感,我一隻接一隻的吃,很快就吃清光了。

我想,下次幫襯之日,應是冬天打邊爐之時,到時再試試芹菜餃和鮮蝦雲吞!

油麻地蘇記 (東莞佬水餃)
九龍界限街12號A興隆大樓7號地舖
油麻地炮台街50號A地舖
http://users3.jabry.com/sokee/

6 則留言:

  1. The one closed is Man Yuen Street, the branch shop of Yaumati is still exist.
    結業者是文苑街店,砲台街店仍有做:

    So Kee also has another url:

    蘇記另外網址:

    www.sokee.hostoi.com

    回覆刪除
    回覆
    1. 網址已改為: http://hktrade.ueuo.com/sokee/

      刪除
  2. size剛好不會吃一兩只便太飽...只是略嫌梘水味重...

    回覆刪除
  3. 網址已改為: http://hktrade.ueuo.com/sokee/

    回覆刪除

LinkWithin

Related Posts with Thumbnails