2012/10/08

殿糖級。「試業中」的甜品店

為了下年初的婚攝,我最近著力於修身減磅,已有一段時間沒幫襯甜品店了,即使明年一月不能身懷六格巧克力,也希望腰間那部 34" 大電視可以降格回到 32" 嘛,著起「踢屎兔」時都會開心一點,但難得這天女友對甜品興致勃勃,一心想試彌月屋的「瓊脂」,好,就破一破戒吧!


咦,又話去「彌月屋」,點解突然間變左做「殿糖級」?

其實係因為當我們走入彌月屋後,店員卻表示瓊脂未番貨,問她幾時有貨?她卻態度敷衍的說句「不知道」,唔...既然最想吃的吃不到,就留待下次再去吧!

退而求其次,我們闖進了首天試業的「殿糖級」,此店位於大街上,店舖前身是這區的老字號「蓬萊素食館」,位置相當顯眼,加上新裝修關係,地方寬敞光猛,令我們有少許期待。


新店餐牌當然是新印的,圖文並茂相當精美,但卻被我們發現內文錯!漏!百!出!

如上圖的法式「窩芙」系列,先不說 Waffle 究竟是「窩芙」定「窩夫」,或者「窩芙」聽落會感覺溫柔點,玩下食字都好正常,但當我發現所有「雪糕」都走了「糕」,變成「窩芙配雪」時,就真係咀都 O 埋,另一版「飲品類」仲攪笑,因為英文竟翻譯成 「ice-cream」,點解店方事前唔做好校對先印呢?


女友一心想吃窩夫,遂點了法式士多啤梨窩夫伴雪糕 ($38),雪糕是 Dreyer's 的香草口味,挺有誠意的,而兩塊窩夫則以竹簽串成一起,擺盤上放上士多啤梨,再附以朱古力醬作裝飾,當店員一放下這道甜品,我衝口說出四個字:「多此一舉」!

首先,我真心覺得用竹簽串起窩夫很「肉酸」,亦很「小家」,兩塊窩夫收人 $38 當然係貴,但更大鑊係他們將其中一塊窩夫「肢解再重組」,一來這對食味完全沒有半點幫助,二來更浪費了一支竹簽,不環保,窩夫入口是 okay 的,夠脆夠鬆,但就真係 「more than a fish」 囉。

至於抵唔抵食,我唔直接答你,但套用「黃子華阿爺理論」加以分折的話,「殿糖級」窩夫賣 $38,附近「臨記」的格仔餅只是 $18,咁即係話, $20 係用黎洗碟既,如果洗隻碟要比成 $20 的話,我寧願掟爛 d 膠碟!


至於我的殿糖級心太軟伴雪糕 ($42),由於第一次製作失敗,前後等了近 20 分鐘,店方很識做地多贈我一球芒果雪糕補數。這個心太軟總算沒有白等,剖開一邊,內裡的朱古力漿傾盤而出,味道濃郁,細心在於加了點朱古力脆米,令口感更加豐富,水準跟「五代同糖」的出品不相伯仲。

或者是第一天試業關係,店員們相當亢奮,明明有客在,竟有人輕聲哼歌,又有人雞啄唔斷地傾計,既然開得門做生意,他們不是應該表現得專業一點嗎?

更重要的,還是盡快把餐牌換掉吧! (苦口婆心 mode)

如果大家唔識/唔太熟黃子華既阿爺,請睇以下片段:


殿糖級自家製甜品店
天后電氣道66號地下

沒有留言:

發佈留言

LinkWithin

Related Posts with Thumbnails