2012/10/16

馬會新體驗。跑馬地 adrenaline

一提起「賭馬」,或者你會聯想起一班大叔響投注站門口擔住口煙聽著收音機,一邊用力大嗌:「7號!7號!7號!7號!_!!!」,感覺很麻甩,對不對?


其實我對此並不抗拒,間中仲會買番三四十蚊玩下,唔祈求中三 T,但贏到百幾二百也開心。


點解我會賭馬呢?

或者是小時候受姥爺爺的影響,當時他已過著退休生活,每逢周末,在家沒事做就會賭馬,我們這群做孫的,總會自發地為他揼骨按摩,他卻一直神態自若的看著電視直播,到真正開跑的時候,緊張的也不是他,而是我們,因為只要他中馬,我們就有錢落袋了,哈哈!

年紀小小的我,有時會被問有冇心水?查實當時乜都唔識,見到馬名下面有個 「1」 字就指出來,結果幸運地跑贏了,之後每逢被人問,我都會繼續指番個 「1」 字,原來「1」同賽績沒有直接關係,只係代表馬匹排內檔出賽。


花了那麼長篇幅,其實還未入正題,上星期二突然接到公關的邀請,當時只知入跑馬地馬場參加德國啤酒節活動,由於我咁大個人都未入過馬場,當然想入去見識見識 (兼賭兩手)。一直以為會入公眾席欣賞賽事,到埗後才知道目的地是佔地兩層的 adrenaline,整個感覺跟我想像的有很大出入。

ibu 觸控式投注系統 (似唔似入了澳門賭場?)
adrenaline 位於跑馬地馬場聯合看台,近終點的位置,設有大露台讓客人欣賞賽事,情景就如電影《龍鳳鬥》的劉德華和鄭秀文般,但落注就不用再「填飛仔」了,在這裡可以率先體驗 ibu 投注系統,在觸控式螢幕上選取馬匹及翻查賽績,只要輕拍儲值卡,再把心水號碼拉至投注選項內,就能下注,簡單易用。

adrenaline 下層供應自助餐
場內更供應自助餐, 因應德國啤酒節關係,這晚吃的都是德國美食,如豬手酸菜、紐倫堡腸等,味道不會誇啦啦,但也絕對不失禮的,始終入來馬場的最大目的,不會是吃吧?

「講馬之王」好考即場吹水能力
之後齊齊研究心水,結果阿 Kit 講個隻馬跑第一,石先生個隻跑位置
另外,在場人士還可以參加由球彩台阿 Kit 主持的 「講馬之王」遊戲,只要向工作人員報名就可,遊戲規則很簡單,只要挑選一隻心水馬匹,用 $120 買 1 win 3 place (即 $30 獨贏,$90 位置),獲最高派彩的便成為當晚冠軍,另可得 $500 現金獎。當日石先生、奔天人和我在公關安排下出戰,當被阿 Kit 問:「有咩心水?點解揀 d 隻馬?」,差點衝口而出答:「唔知架,亂撞的!」(其實我主要係睇好騎師安國倫而揀~)

adrenaline上層有樂隊伴奏
我一直以為 adrenaline 是馬會會所之一,回家後上馬會網頁查找資料,才發現原來不是,這 “ibu is here” 優先賽馬娛樂體驗每位收費 $390,包自助晚餐、特色飲品一杯、iRACE馬簿一本及面值港幣 $100 ibu儲值卡一張,但每次賽事日名額只得 80 個,並需在馬會 Facebook 專頁預留座位,我好有興趣再去,下次要搵埋好友五蚊先得!

咁究竟我當晚有無斬獲呢?

答案係全!盤!皆!輸! Orz

反觀當日石先生手風甚順,每逢下注必有錢袋,最後更成為了「講馬之王」,恭喜恭喜,我諗一餐半餐飯走唔甩卦 XD

以下是馬會 adrenaline 網頁:
http://entertainment.hkjc.com/entertainment/go-racing/facilities/chinese/adrenaline.aspx

沒有留言:

發佈留言

LinkWithin

Related Posts with Thumbnails