2012/07/11

Big John。格仔餅與薑蔥撈丁

位於尖沙咀樂道的 Big John,地方其實一點也不 Big,窄長的店子說不上舒適,但餐牌卻很多元化,有粥有麵有飯有沙律有小吃,是附近打工仔的蛇竇之一,我阿姨就是其中的一份子。


這晚來,首要目的是吃格仔餅,其次是薑蔥豉油撈丁,剛好有款套餐包撈丁、格仔餅及飲品,才 $45,真係合晒合尺!


我點了薑蔥豉油雞扒撈丁,出前一丁煮得比較腍身,但撈上薑絲、蔥絲及豉油吃,感覺還真不錯,幾特別。有時覺得出街食公仔麵好「搵笨」,分分鐘要另加 $2,甚至加 $8 都見過,最後發現自己煮得好食過佢,真係灰爆,在 Big John 起碼沒有這種感覺。


雞扒是油炸的,上檯時已切件,皮香脆得很,肉厚,配上黑椒汁吃就更加惹味,就是如此簡單。


女友點的豬手撈丁亦得到正面評價,豬手炆得軟腍,外皮爽彈,咬下去充滿黏性,還不錯。


吃罷撈丁,再另叫上格仔餅,這裡的出品屬於薄脆的類型,即叫即製,而且店方慷慨的灑上煉奶及花生醬, 很難不滿意吧?

Big John
尖沙咀樂道17號地下

1 則留言:

LinkWithin

Related Posts with Thumbnails