2012/06/17

端午節。粽,你今年食咗未?

剛剛收到了美心集團相贈的江南嘉興鮮肉粽、江南嘉興火腿鮮肉粽、原粒瑤柱裹蒸粽、蠔豉瑤柱鮑汁粽及貴妃紅豆粽,面對如此五花八門的粽子,不知道你最喜歡哪一款?


我愛吃粽,但從不喜歡有綠豆、紅豆、蓮子、粟子的粽,反而偏愛鮮肉粽,簡簡單單五花腩肉加鹹蛋黃,就是我家的慣常做法,我每次一吃就是一雙。近年,我媽喜歡在粽子內加入瑤柱,她覺得感覺矜貴一些,味道亦更好,但我認為此舉弄巧反拙,原因是瑤柱食落根本毫無味道,更會影響了整隻粽的口感,我仍然堅持,肉粽內應該只有五花腩肉和鹹蛋黃。

但口味人人不同,我的想法其實找不到任何支持,就連身旁的女友,一聽到粽內沒有綠豆,便立即耍手擰頭話唔食,相信不少朋友也會有如此共鳴吧!


美心的嘉興鮮肉粽我還未試,但看 press release 的介紹,以五花腩肉和鹹蛋黃作餡,正是我尋求的口味。另外還有一款江南嘉興火腿鮮肉粽,特別加入金華火腿提香,相信比我媽堅持放的瑤柱更搭,找天定會試試。


我家包的粽子又是甚麼樣子呢?

上圖就是我媽的作品,每年她這個時候都很忙,今年頭輪一包就是 80 隻,然後東奔西跑的送給親朋戚友,恕我現實,如斯情景看在眼裡,我會覺得有點自找麻煩,朋友未必真心喜歡吃,但一場送到又會覺得盛情難卻,而且背後涉及的煤氣費實在不菲,但無辦法,這是她的興趣,我也應該尊重,情況就如我喜歡周圍搵食,食完又要堅持日日出 blog,飯錢夠使唔少啦,係咪先?

不過體諒還體諒,頭 80 隻粽竟然無一隻有我份,又好似真係過份咗少少喎.....

1 則留言:

LinkWithin

Related Posts with Thumbnails