2012/06/08

歐國盃開鑼,你準備好未?


歐國盃開鑼,你準備好未?

還有不到一天的時間,四年一度的歐洲國家盃就會正式開波,接著的整個六月,差不多晚晚有波睇,相當刺激,球迷們,你準備好未?

以上說的準備,不是指睇波必備的花生啤酒,而是時間上的管理。

香港人工作時間特長,朝九晚七,有時甚至晚九晚十,回家食飯沖涼後,其實已經接近開波時間,樂觀的想,時間上簡直配合得天衣無縫,作為球迷固然樂在其中,但日日如是的話,不但影響日常工作,分分鐘仲會因為足球而忽略社交生活,而最大的受害者,必定是身邊的另一半。

今屆歐洲國家盃的官方標誌是一朵花,以足球及代表主辦國波蘭及烏克蘭的花冠組成,設計新穎特別,有同氣連枝的意思,但很可能是女仕們最唔想收到的花,因為另一半就是被它搶走了!

這樣說沒半點誇張,由69凌晨12點開始,十個男人,九個以睇波為重!想去睇場戲? 恐怕是 Mission Impossible 5,皆因男方平日夜晚要趕返屋企睇波,星期六日要休息唔想出街。即使他仍然肯犠牲休息時間陪伴左右,不難發現那個他根本只得一個軀殼,沒有靈魂,一到某個鐘數,他便會如坐針氈,戰戰兢兢地問:「不如買單啦,好無?」

由此可見,球迷們的確需要好好去管理時間,以免冷落身邊人,奈何歐國盃參賽隊伍實力十分接近,戰情緊湊,教我們如何捨棄一場波?以揭幕戰波蘭對希臘為例,表面上無甚睇頭,但一隊係主辦國身份,一隊係曾爆冷奪取歐國盃冠軍的神奇隊伍,當中亦不乏熟悉面孔,究竟係效力阿仙奴的施捷斯尼勁,定係已經過氣的森馬拉斯醒?話晒都係第一場波,唔睇又邊度有話題先!

如果你的另一半不是球迷,恭喜你,但請不要太過開心,或者他最近亦沉醉於電腦遊戲世界,晚晚通宵玩《三斤大菠蘿》,結果其實一樣,你懂的......

本文同刊於 Now Sports - 歐國盃「專家列陣」

沒有留言:

發佈留言

LinkWithin

Related Posts with Thumbnails