2012/03/06

八麵棧。雞煲大回顧 (三)

雞煲回顧第三回是位於元朗的八麵棧,其實這是倉底貨,當時看了有線《美食法庭》介紹後,對主持們讚口不絕的奇味雞煲甚有興趣,遂決定在 2011 除夕夜和女友家人一齊試試。


看來八麵棧挺受歡迎的,當晚店內外同告爆滿,幸好我們預早訂了座位,坐在閣樓,不用在街上吹風。閣樓地方還算大,簡單的舖上膠檯布,再放上 gas 爐,衛生合格,但由於幫襯的都是後生仔女,你一言我一語,用膳環境其實相當嘈吵,跟身邊人傾唔到計之餘,仲有少少頭痛。


招牌奇味雞煲 ($148),要了小辣程度, 熱煲內的雞件塞得滿滿的,件件飽滿,狀甚不錯,可惜食落卻有點模稜兩可,雞味已不強求,肉質有點粗嚡亦勉強可以接受,卻萬萬想不到雞竟然毫不入味,淡淡的,半點不辣,只得一個油字,仲係「勁油」, 實在令人失望。


雞煲不行,唯有加湯打邊爐,撇除湯底很油的問題,配料水準也是平平無奇的,肥牛 ($28) 一客四片,肥多過瘦;魚片 ($28),沒半點鮮味,而且多骨。


雲吞 ($20) 賣相很差,爆餡之餘,滾兩滾仲好易散; 什菇拼盤 ($25) 和番薯粉 ($18) 算是比較好的一批,反正此刻只求飽肚,對味道已不敢抱有期望了,終於明白為甚麼鄰檯吃完雞煲立即埋單走人,原來是「止蝕」! =[

八麵棧
元朗豐年路7-11號豐年樓

1 則留言:

  1. 嚟"誠記雞煲"食下俾啲意見:)
    地址:官塘翠屏商場二樓102號鋪
    電話:61700494

    回覆刪除

LinkWithin

Related Posts with Thumbnails