2011/12/10

偉記燒烤樂園。燒雞翼,我鍾意食!


冷風襲港,最佳的消閒活動當然是大伙兒去 BBQ,這次選擇了元朗的偉記燒烤樂園,西鐵入,再搭程廿蚊的士,交通還算方便,下車時記得問司機大佬拎張收據,因為這裡設有 $10 交通費回贈。


入場按人頭購票,周六夜場每位一百,包飲品/水各一,任食不限時,場內設有免費 wifi、攤位遊戲,仲有英超直播,差點以為自己走進了嘉年華。


工作人員為我們開爐,先堆起炭,再以石油氣爐點火,前後不用三分鐘,佢地一晚開成百幾二百個爐,看似簡單,其實都幾頻撲的。


食物方面,雞翼、魚蛋、墨丸、多春魚、燒賣、司華力腸、粟米、扒類等等,選擇應有盡有,質素則跟其他燒烤檔一樣,普普通通,始終收一百的價錢,也不能要求太多,吃得盡情就可以了。


這裡的雞翼挺不錯的,塗上蜜糖後,色澤更加吸引,即刻哼兩句「燒雞翼~我鍾意食」,但另一方面,拿上手濕濕的番薯,入口嚡得要命的牛扒,都是這晚的盲點,大家可免則免。


我向來沒甚耐性,燒烤也貪快貪方便,最愛燒墨丸、魚蛋、腸仔這些快熟食物,近年愛上燒賣,更加 cheap,但入口外脆內軟的感覺,又真係 cheap 得有價值。講開外脆內軟,當然少不了棉花糖,那份軟心的甜,配上香口的蜜糖多士,簡直完美!


和好友們 BBQ,自然勾起中學時代郊外旅行的回憶,由古說到今,才發現最近 hit 爆高登的 「IKEA 探索人體奧秘小情侶」原來是母校的師弟師妹,實教人啞口無言,宇宙中學,終於上位鳥 Orz!

偉記燒烤樂園
元朗大旗嶺677號

沒有留言:

發佈留言

LinkWithin

Related Posts with Thumbnails