2011/12/09

新景園咖喱小廚。豬扒出色,咖哩出事!

位於灣仔春園街的新景園有兩大招牌,一是干炒牛河,一是咖哩豬扒飯,驟看平平無奇的街坊茶記,原來定價卻比翠華來得更狠,前者 $50,後者 $58,如果外賣的話,咖哩豬扒飯會平一半價錢,但豬扒也同樣減半,很有性格,對不對?


雖說不便宜,但這晚來到,店舖門外仍然企滿了等候的人,幸這裡客流轉速度快,二人不一會便能入座。沒看餐牌,直接點了干炒牛河和咖哩豬扒飯,再加 $10 轉成套餐,跟一碟灼生菜及例湯/飲品,百二有找。



干炒牛河很快便上檯 (即炒?),河粉頗有鑊氣,泛起油光,色澤深褐均勻,條條分明,不會炒至「一餅餅」。牛肉鬆軟無肉味,芽菜下了一大堆,入味亦夠爽口,但「控油」方面就做得未如人意,碟底尤其最誇張,看來水準下滑了不少。


另一碟咖哩豬扒飯,有骨炸豬扒是焦點所在,熱辣辣,外層炸粉很薄,入口鬆脆不油膩,豬扒食落嫩滑,肥脂邊位更值得加分。咖哩汁其實平平無奇,標準港式咖哩,帶一點椰汁的甜,勝在容易入口,送飯還是不錯的,但「奇怪既事就係從 D 度發生」 (《千奇百趣》叮噹聲音)...


飯後,我們由灣仔來到中環,準備參加蘭桂芳嘉年華,點知在大斜路上,二人同時出現突發性肚痛,唯有立即趕回家「解決」,我的情況還好,可憐女友半夜三更要走一轉急症室,註定和新景園八字不夾,應該無下次吧!

新景園咖喱小廚
灣仔春園街20號

沒有留言:

發佈留言

LinkWithin

Related Posts with Thumbnails