2011/07/07

魔麵。厚福 H8 第一擊

自從厚福街有了 H8,尖沙咀彷彿多了一個搵食熱點!


在一幢大廈內,同時供應拉麵、烏冬、烤肉、韓食等多款選擇,而且每間都各具特色,的確令人有點眼花撩亂。芸芸新店當中,屬 H8 先頭部隊的魔麵, 憑著形象突出的「魔」字標誌,輕易成為食友們爭先試食的目標,而我,應算是比較遲來的一個...


魔麵主打源自久留米的豚骨湯底,據說每天以 150 斤新鮮豬筒骨熬成,其顏色偏近奶白,味道鮮甜,入口質感比較稠身亦富膠質,正好符合近期日式拉麵的潮流風格。另一方面,這裡亦採用傳統的幼直麵條,口感跟平時吃到的曲身麵更爽更滑。在這裡,招牌的豚骨湯底叫為「豚魔」,以此作為基礎,再演化出「醬魔」(醬油)、「辣魔」(辛辣) 及「味魔」(味噌) 三款湯底。


說了這麼久,其實我當晚試的,是跟豚骨完全無關的鹽味湯底,簡稱「鹽魔」。鹽魔 ($68) 的湯底用上岩鹽熬製,配合蝦乾和瑤柱等配料,味道比豚骨湯底清新一點,著重鮮味,亦沒有濃稠的質感。配料包括叉燒、豚骨煮及溏心蛋,叉燒帶半分肥,肉質尚算軟腍,但不算厚切的豚角煮則比較失望,瘦肉部份入口甚為黏牙,相信這方面仍有改進空間。


魔麵給我的感覺是四平八穩,無論是湯底、麵條或配料,出來的水準絕對不差,但就沒有那種令人一吃難忘的味道,或許是因為我選的鹽魔不是這裡的招牌吧。最後想說的,是店內選播的背景歌曲,間中竟傳來一些高音頻的音樂,頗為刺耳,這或者不是每個人都感受得到,但仍希望店方可以留意一下!

魔麵
尖沙咀厚褔街8號H8 2樓

5 則留言:

  1. 看了你的介紹, 今晚去咗試試, 好同意你嗰句「沒有那種令人一吃難忘的味道」...... 應該都唔會再幫襯...........

    回覆刪除
  2. RE: 波比太太
    ^~^ 謝,你試了那款魔麵?

    回覆刪除
  3. 之前與太太和小兒試過此店。
    - 豚魔 X 1
    - 鹽魔 X 1
    - 小食兩款 (燒明太子雞翼、唔記得咩咸牛肉餅-外貌似薯餅)

    豚魔:無咩特別,湯底味道OK,叉燒一般,麵質OK。
    鹽魔:落單時侍應生提過味道會比較淡,果然無講錯。
    燒明太子雞翼:等得最耐,所有野食哂都未上,要追。有微辣,熱熱地既明太子感覺怪怪,個人不太喜歡。
    XX咸牛肉餅:味道OK,小兒喜歡,可能係因為似薯餅,但有咸牛肉,味道豐富D。

    其實食完所有野感覺無咩特別,而且店內好嘈,唯一好處係唔洗等位,再去既機會比較低。

    回覆刪除
  4. RE: 奇利夫
    謝分享,你覺唔覺得魔麵侍應好新手?

    回覆刪除
  5. D待應真係好新手,我地坐底時佢有俾到水,但當落完單,D面黎到,都無俾到食具,要出聲問番佢地攞。雖然係咁,但都係有禮貌既,所以我都仲可以接受到。
    但係環境嘈呢一樣就真係幾難忍受,好似去左大排擋咁,可能同佢既裝修有關。不過其實成間店都無咩裝修,仲要無端端係近收銀既位有幅橫額,怪怪的。

    回覆刪除

LinkWithin

Related Posts with Thumbnails