2011/04/17

豚兵衛。吉豬性價比之選!

星期六一大早要返公司開 OT,中午想食餐好的慰勞自己,響 facebook status 寫上「一條友中午灣仔食乜好?」,換來 32 個回應,最後在云云選擇中,揀了位於灣仔道的豚兵衛。


來到時已接近下午兩點,店舖只有五成滿,獲安排坐在吧檯自閉,看著日籍師傅專注的準備食物,感覺良好。這裡除供應豬扒飯外,也有奉送冷熱烏冬的定食套餐,價錢由 $50 - 90 不等,可說是豐儉由人。


由於中午的食量有限,沒試烏冬,只要了滑蛋豬扒飯定食 ($57),跟餐有麵豉湯和開胃前菜,麵豉湯內沒有豆腐,只得一些海帶,味道亦平平無奇,不及青瓜及醃漬蘿蔔吸引。


豬扒飯的賣相對辦,蛋不老,呈半熟狀態的沾在豬扒之上,見到已覺得開胃。豬扒外層炸至微脆香口,挺討好的,肉則帶點脂肪筋位,唯質地比較乾,口感就是差了一點兒。


我是個「滑蛋豬扒飯控」,除喜歡吃那塊脆口的炸豬扒外,更喜歡將滑蛋、洋蔥和飯拌勻同吃的味道,永遠吃不停口,這次豚兵衛的也不例外。買單連加一 $63,只是銀座梅林「特選豬柳飯」四份一的價錢,整體味道其實也差不了太多的,稱得上是吉豬界別的性價比之選吧!

豚兵衛 Tonbe
灣仔灣仔道221A地下

2 則留言:

  1. 咁平, 蝕都唔會入肉 :) 其實食過幾次, 佢有時炸得好啲, 有時無咁好. 不過賺唔得你幾多, 起碼唔會銀座梅林咁食完想跳海話自己蠢.

    回覆刪除
  2. RE: HK Epicurus,
    你說得對,銀座梅林太貴了,水準又唔係真係咁超班~

    回覆刪除

LinkWithin

Related Posts with Thumbnails