2010/11/20

科記咖啡餐室。NOHO 之豬

每逢周休二日,我總喜歡將活動範圍收窄在九龍半島內,免得過都唔想過海,但凡事都總有例外,這次竟然搭了四十分鐘地鐵,再加十五分鐘腳程,為的只是一試上環科記的金牌豬扒飯。

科記位處荷里活道,沿水坑口街直上就會找到,舖面奇貌不揚,是一間以街坊生意為主的茶記。小店平日只開朝早七點至下午四點半,周日及公眾假期亦會休息,所以想試的話,就只好星期六來了。

一場來到,當然要試試金牌豬扒飯,單一塊扒好似寡寡地,就加多隻煎蛋。這裡的連骨豬扒帶點肥脂,沒有柴灣耀東號的薄脆感,肉質比較腍軟,但勝在醃得入味,是挺有水準的,可惜豉油汁下得太少,令飯粒感覺很乾,難以下嚥,而蛋也煎得太熟了,不能以蛋黃汁撈飯吃。

女友要了番茄豬扒通粉 ($29),以大量番茄肉煮成的湯底無添加,材料放滿了一隻大湯碗,雖然色水略淡,味道濃而不俗,十分住家 feel,通粉則煮得比較軟身,看來亮點仍是落在主角豬扒之上呢。

買單時發現原來金牌豬扒飯套餐只需 $36,而我叫的金牌豬扒煎蛋飯 ($32) 卻不設優惠,凍檸茶散叫需另加 $12,早知我就唔要隻蛋啦~
科記咖啡餐室
上環蘇豪荷李活道200號J-K舖

沒有留言:

發佈留言

LinkWithin

Related Posts with Thumbnails