2010/11/14

魚蛋、燒賣、三溝

上周四,由於趕住入場睇戲,匆匆忙忙響通達以港式小食當晚餐,順道留肚晚點試試首次進駐香港的豪大大雞排。

先來燒賣 ($6)、咖哩魚蛋 ($6) 各一串,燒賣正正常常,入口唔會太粉,而且魚腥味不重,沾些辣油吃就更正;咖哩魚蛋大大粒,彈牙就唔覺,好彩咬落唔算鬆泡泡,咖哩汁說辣不辣,不太吸引。

女友要了魚肉菜翅三溝 ($17),吃前灑些胡椒粉,芡是典型杰杰的質感,菜放得很少,魚肉切成小方粒,配合黑木耳,感覺唔算豐富,比較普通。

我對碗仔翅興趣不大,簡簡單單要了一碗魚蛋河 ($18),四粒魚蛋搭條菜,河粉浸在湯內,夾起比較重身,見湯底好清,乾脆將燒賣的辣汁豉油倒埋落去,味道才稍好一點

總括而言,好食就一定唔係,但絕對夠飽肚,第日經過買串燒賣過下口癮,都可以的!

通達食店
油麻地碧街48號地下

1 則留言:

LinkWithin

Related Posts with Thumbnails