2010/10/30

非樂也~

據聞黎天王「唔可以空肚食早餐」,我雖然無咁浮誇,但都「唔可以空肚飲紅酒」,所以出發去《香港美酒佳餚巡禮》之前,先去新港中心樂也樓叫兩籠點心打個底。


樂也樓這名字聽落似是一間酒樓,非也,只不過是商場地庫大食代 food court 內的檔口之一,本來毫不起眼,但飲食網站上的評語竟然一致讚好 (11 笑 vs 0 喊),也想試試其水準如何?

時間趕急,匆匆要了燒賣 ($16) 和牛肉腸 ($16),付錢後,見阿姐先將一楝蝦餃 (?) 放在托盤上,不到一秒,又將成楝蝦餃拎走,留下了最底的一籠燒賣,擺明係「賣剩蔗」,頓時心感不妙...

先試這「賣剩蔗」燒賣,賣相認真差勁,四粒燒賣,一粒焗至甩皮,豬肉餡未吃已告裂開,另一粒仲恐怖,放在面頭的鮮蝦和蟹籽皆不翼而飛,製作求求其其。味道方面,薄皮入口「乾爭爭」,豬肉餡更是有渣,我和女友食到面容扭容,稱之為「全港最差燒賣」絕不為過!

燒賣不行,牛肉腸也好不了那裡。在 food court 吃腸粉,當然不要求即叫即製,但也請不要偷工減料,腸粉皮和餡料竟是接近 8 : 2 的比例,厚厚的皮一咬下去,好像食了成團粉似的,而牛肉餡則撈了不少馬蹄,挺爽口,卻絲毫沒有肉味,感覺很差。

女友問我:「點解你要記住這間點心檔?」
我:「...」
那一刻,實在無言以對...

樂也樓
尖沙咀新港中心地庫大食代

沒有留言:

發佈留言

LinkWithin

Related Posts with Thumbnails