2010/09/15

溫暖的家

星期六的下午,跟好友們在尖東的 Hokahoka 食 Lunch,本來說好一點正的,但假日總是令人太懶散,結果我遲了十多分鐘才到達,讓各位久等,先在此講聲唔好意思!

Hokahoka 位於好時中心內,店名解作「溫暖」,據說頗受日本人歡迎。我們一行五人獲安排在塌塌米房內用餐,坐得舒適之餘,又幾「日本 feel」,而同房內亦只得另一檯客,感覺有點像包場。

午市餐牌有多款選擇,各式定食、壽司刺身、拉麵、咖哩飯等一應俱全,價錢由 $58 至 $110 不等,另外可以 $10 加配咖啡或雪糕。先叫了一客芝士海盜共享,名字很特別,其實是將立魚放在切條的芝士上,味道略略偏鹹,送酒的話應該不錯。

我選了「櫻」($85),主菜是滑蛋吉列豬扒,配上炸八爪魚丸作小吃,還包括前菜、漬物、麵豉湯及番茄沙律。



滑蛋吉列豬扒份量幾足,唯豬扒外層唔夠脆,肉質亦不算腍軟,蛋絲有點老,幸放了不少冬菇絲和洋蔥,加上味道帶甜的醬汁撈飯吃,整體還算不錯,而珍珠米入口煙煙韌韌,是加分的環節。炸八爪魚丸是分開上的,入口熱辣辣,外層夠脆,內裡質地唔粉,但就唔算好彈牙,也可以一試的。


其中一位朋友要了「ほかほか 定食」($75),押上了店名,陣容必定相當豐富,包括刺身、玉子燒、大蝦天婦羅、吉列炸蠔等,勝在一次過試盡多款口味,唔使左揀右揀。

 <<什錦壽司飯>>

吃至兩點半,侍應準備「落場」,我們也不阻人家休息,速速買單,臨走前見到門口放了不少日本書刊,其中不乏水著女優寫真,相信是為麻甩佬而設,夜晚一邊飲酒,一邊睇書,何其快哉?

Hokahoka
尖沙咀麼地道63號好時中心51-52號舖

沒有留言:

發佈留言

LinkWithin

Related Posts with Thumbnails