2010/08/02

當 Wow 變成 Cow...

早前參加了 Gobuya.com 的夠買活動,以 $20 換取 Holly Cow regular size 的乳酪雪糕 (原價 $28) 及Smoothies (原價 $28),響附近食完十勝豚丼,當然要過來食埋個飯後甜品啦!印象中,這次只係我第二次食 froyo,講起黎都覺得自己有點 out,畢竟開始老了,追不上常變的潮流。

一行入店內,就有種似曾相識的感覺,原來前身正是 Wow! Burger,Holly Cow 差不多完全沿用以前的擺設,再拆去多餘的裝飾,一點也不複雜。向店員出示 coupon,先揀 frozen yogurt,由於 regular size 只可以選擇一款 toppings,女友就要了granola (麥脆)。我試了少少 yogurt,整得幾挺身的,奶味明顯較重,另外也帶點少酸,而脆片中混入一些提子乾,口感豐富,總體還算不錯。


Smoothies 則揀了蕉冰,是由香蕉、芒果、frozen yogurt 混製而成的,入口質感夠滑,蕉味也很重,同時有少許酸味,但正價收 $28 又確係少少貴。

由於全店只得我們一檯客,負責人便走過來問問意見,坦白講,今時今日 froyo 店愈開愈多,據知對面海的 Holy Cow (注意:店名只差一個 L ) 更以 100克只賣 $15 的策略經營,客人可以選擇更多喜歡的配搭,的確有其可取之處,如果 Holly Cow 想突圍而出,看來要在質素上落些工夫,亦應該研發一些新口味,保持產品的新鮮感。說到底,最令人擔心的仍是那沉重的內舖租,我心想連 Wow! Burger 也撐不住,究竟 froyo 店一日要賣幾多杯先足以回本呢?的確是一個大問號。

在此寄望店方好好努力,有緣的話定會再來!

Holly Cow
尖沙咀科學館道14號新文華中心地下30-36號舖

沒有留言:

發佈留言

LinkWithin

Related Posts with Thumbnails