2010/08/19

雪糕不求人


響朗豪坊食完壽司,女友突然想食 yogurt,就出發去位於譚仔對面的 Funky 美式自助軟雪糕專門店。掹車邊話自己係 80 後,但著住恤衫西褲走進這 Funky 的 90 後世界,感覺的確有點古怪。

甫進店內,女店員就上前介紹買雪糕的流程,其實都係拎起隻杯,倒入想要既雪糕口味,再加喜歡的配料,最重要當然係「磅水」,總之店名一早寫到明係「自助」,就要預左自己服務自己喇!

雪糕有幾款口味供應,比較特別的有北海道 3.6 牛奶及芝士蛋糕,但當晚女友只想吃 plain yogurt。配料區的地方唔算大,感覺普通,但勝在排列得齊齊整整,選擇也不少,我們最後加了士多啤梨、咖啡 QQ 凍、粟米片及 crumbs 四款 toppings,埋單盛惠 $25。

我試了少許,發覺乳酪溶得很快,質感沒有尖東 Holly Cow 的挺身,反而像軟雪糕般,放入口後尤如無物,味道重甜少酸,實在不太滿意。四款 toppings 只需 $25 好似好抵,其實每款配料的份量不多,吃了兩口就無晒咖啡 QQ 凍,感覺到喉唔到肺。

吃罷,速速離開這屬於新一代的世界,如果想吃 yogurt,這裡不是一個好選擇;如果想吃軟雪糕,我寧願幫襯 $3 有交易的 OK 便利店!

Funky 美式自助軟雪糕專門店
旺角西洋菜南街202號地舖

沒有留言:

發佈留言

LinkWithin

Related Posts with Thumbnails