2010/07/19

來一碗米苔目!

星期六,在太陽底下走了一整個下午,行到成身熱辣辣,胃口也沒有想像的好,晚餐來一碗簡簡單單的米苔目就最好不過。

老苔目位於旺角黑布街,糖百府的對面,地方著實不大,全店約只得廿個座位,大部份都是四人檯,但坐落去又會覺得好擠迫,仲要同鄰座背貼背,應該唔會太舒服。等了約十五分鐘,終於等到全店唯一的二人檯,不用同人迫是好事,但店內冷氣又的確開得好大,坐了一陣已經覺得好凍。

本來想試試紅燒牛肉麵,但其標價 $52,加一後直迫 $60,定價實在太過進取,反正都唔肚餓,還是揀番最基本的米苔目 ($18),另加碟小吃就足夠了。米苔目的造型有點像粗身的瀨粉,但口感除了滑溜,亦稱得上粉 Q,感覺的確幾特別。麵線味道清淡,配上的湯頭則放了肉燥及韮菜,令整體味道更加甘香濃郁,也無可避免會帶少許油膩,但仍屬可以接受的程度,如果湯底再滾熱一點,相信會更吸引!

小吃要了白玉翡翠 ($26),即以椰菜包著紅蘿蔔絲及韮菜等配料,用料新鮮,也吃得健康,店方特別為此道小吃配上芝麻醬,可惜味道卻不太搭,情況有點弄巧反拙。

小店的服務效率不錯,加水都加得好密,看看餐牌上的 logo,原來跟已撒離香港的阿土麵線屬同一集團的。總括而言,用廿蚊來食碗米苔目其實不錯,但比較之下,我會更欣賞大記的攦粉,如果下次再來的話,會試試魯肉飯及其他台式小吃的!

老苔目
旺角黑布街98號地舖

沒有留言:

發佈留言

LinkWithin

Related Posts with Thumbnails