2010/07/18

愈來愈輕鬆


炎炎夏日,在街上行一陣已經身水身汗,又係時候飲番杯台式奶茶,見 Roll 隔離的貢茶排晒長龍,唔想等,就轉入巷仔幫襯輕鬆飲。

今時今日,一街都係台茶店,輕鬆飲再唔係往日在旺角街頭獨市的奇葩,受歡迎程度更已被貢茶、日出茶太、歇腳亭等新晉大幅拋離,現實的確係殘酷的。作為一條「粉腸」,本來都想試試台式粉腸奶茶,偏偏當日無粉腸賣,無得以形補形,實在可惜!

改要了仙草奶茶 ($12),吩咐了少冰、微糖,等了約三分鐘後就拿到手,茶底本身唔算濃郁,奶味亦比較虛無,而仙草凍除了質地滑溜之外,沒甚特別,相比之下,我仍然覺得日出茶太的仙草凍最為對辦!

輕鬆飲的台茶味道仍然是「得過且過」的水平,沒甚進步之外,服務亦不見得特別貼心,例如店員幫客人插飲管時,竟以手直接拿著飲管,而不是慢慢將飲管從膠套內推出來,動作一點也不專業,如此下去,實在難有翻身之日呢...

輕鬆飲
尖沙咀加連威老道34-36號GI商場地下

2 則留言:

LinkWithin

Related Posts with Thumbnails