2010/04/04

WoW! 抵過老麥!

難得的五天假期,是時候清清舊食評,來這間 Wow! Burger 已是去年九月底的事,所列出的價錢或有少許出入,請多包涵。


Wow! Burger 走的是簡約路線,尖東分店環境不大,但印象中已比其他分店好得多,而食物是即點即製的,點餐後可以看看餐廳提供的雜誌打發時間,感覺好 relax。


女友揀的牛肉漢堡,跟餐價三十蚊,厚牛肉的牛味雖不重,但入口鬆軟,再加上生菜及番茄,起碼比麥記的出品更有誠意。


我則散叫了芥末香煎雞扒漢堡 ($18),雞扒味道平庸,略嫌煎得不夠香,而汁醬也沒有芥末香,幸配料甚足,有兩片番茄、洋蔥及生菜,感覺相當豐滿。


薯格需另加七蚊,換來的卻是既「油」又「淋」,大可慳番唔使試。話時話,牛肉漢堡套餐索價三十蚊,平是平,但只得一個包同汽水,牛肉漢堡單賣只是 $23,即係話一杯可樂要 $7?咁又好似唔太抵喎!

WOW! Burger (評分 6)
尖沙咀科學館道14號新文華中心地舖

沒有留言:

發佈留言

LinkWithin

Related Posts with Thumbnails