2010/04/12

千奇百趣。尖咀大清博物館


原來尖沙咀有間大清文化博物館?今次真係千奇百趣,爆笑到 O 咀!


為了陪朋友買菲林,入左一間「八旗相館」既地方。館主全名係愛新覺羅。州棠,又名溥棠,梳著傳統大清髮型,造型潮爆。由於佢係影相發燒友,技術高超,故人稱「攝政王」。如果你有興趣知大清文化,又得閒聽下故仔,不妨去幫襯下,順便同佢吹吹水。


1870 年香港,信不信由你


大清版圖同現今中國一比... 想暗示 d 乜?


想知八旗係乜? 館主夫人會一一同你分解,咩係八旗?咩係愛新覺羅文化?點解大清社會男尊女卑?咩係格格?佢真係好健談,臨走仲比篇詩文我地睇~


館內有不少珍藏,部相機更貴重,包括左手邊鑲真金的古董海鷗,亦有清代的貨幣。



聽講中間的是滿族文字,又係信不信由你


老實說,開頭我是有點懷疑的,但看到他們對自身民族的堅持與熱誠,實在不得不佩服,說他們不合時宜又好,只活在自己的想像中也好,這種情懷,也值得我們尊重!


另外,館主既相片沖印技術高超,相片調色更會遂張去執,影証件相更會用三原色去影,相當用心,水準一定高過快圖美這類連鎖店。

八旗相館
尖沙咀漢口道漢口大廈內(廣東燒味旁直入)

沒有留言:

發佈留言

LinkWithin

Related Posts with Thumbnails