2010/01/14

認住呢隻鷹

老友傳來短訊相約食飯,擇日不如撞日,不如就平平地去深水埗飛鷹餐廳鋸塊扒,聚聚舊,跟中小學時代不同的是,大家身邊都已經有女朋友,不再是單身寡仔。

飛鷹其實跟附近的金鳳九成相似,賣的都是港式豉油西餐,環境同樣陰陰暗暗,坐得迫迫夾夾的,肯定坐得唔舒服。平日夜晚,飛鷹人客比想像中少,到達時剛好有四人卡座,唔使等位同搭檯,真走運。餐牌上款式甚多,但大家都分不清楚有乜分別,最後分別點了串燒牛柳、西冷牛扒、黑椒牛扒及德國豬手餐。


先來的是大麥包,質感軟熟又夠熱辣辣,味道則甜了少許,但可接受。兩紅兩白,我要了忌廉雞湯,下了不少雞肉,味道略咸,而女友是日指定要飲的羅宋湯,將椰菜、番茄等材料煮至軟腍,味道一點也不嗆。

我的串燒牛柳跟甜酸汁,落單時要求四成熟,阿姐感到意外,說:「真係好生架喎,你唔怕?」,老老實實,真係無問題。先說賣相,串燒是指以青瓜及煙肉隔著三件份量不小的牛柳,用刀切開,內裡是鮮紅色的肉,相當對辦,正正是我想要的效果。放一小件牛肉入口,肉質腍滑,但跟金鳳入口即溶的口感不同,比較實在,更隱約帶一絲牛味,而甜酸汁亦夠開胃,不能要求再多了。伴菜分別有薯條及沙律,前者不算脆口,普普通通;後者我無試, 因為阿姐送菜時隻手碰到生菜,多少影響了食慾。

另外,也試了友人的牛扒,水準大抵差不多,值得一提是黑椒汁相當惹味,不要錯過。最後來杯「的式」凍飲,再同朋友傾半個鐘計先施施然離開,連加一每位 $66,豉油西餐來說已算不錯,起碼各方面都比金鳳做得出色,值得支持!

飛鷹餐廳 (評分 6)
深水埗荔枝角道256號

沒有留言:

發佈留言

LinkWithin

Related Posts with Thumbnails