2009/12/14

樓上來的冰室

在尖沙咀吃下午茶,一時三刻想不出什麼好地方,行至樂道附近,街口的澳門茶餐廳非常旺場,插針都插唔入,於是過對面同集團的澳門冰室,可能因為位處閣樓,人流相對較少,環境無咁擠迫,只是冷氣較強,有幾分寒意。

女友要了常餐 ($34),包茄牛通、炒蛋豬仔包及凍咖啡。先說炒蛋豬仔包,脆皮的豬仔包夾著一片厚切牛油,炒蛋水準不俗,炒得滑溜而不油,好味程度直迫澳洲牛奶公司。茄牛通湯底茄味十足,又有蘿蔔片的鮮甜,牛肉粒瘦而不韌,再歎埋杯味道濃郁的凍咖啡,整體比旺角澳門翠苑的做得更出色。

我則選了白汁蝦仁焗意粉 ($34),即叫即焗,約等了十分鐘,材料主要是蝦仁及蘑菇粒,蝦仁雖是雪藏貨,亦夠爽口,意粉被白汁滿滿的覆蓋著,賣相對辦,意粉入口不算煙韌,是典型茶記水準,反而餐飲凍奶茶甜味滿瀉,拍得住卡拉 OK 的水準。

埋單不到八十,不貴,的確是食下午茶的好地方。

澳門冰室 (評分 6.5)
尖沙咀彌敦道83-97號華源大廈閣樓6B、7B及12B號舖

沒有留言:

發佈留言

LinkWithin

Related Posts with Thumbnails