2009/12/05

誰是大叔?

銅鑼灣景隆街附近,小小一個十字街口,已有四間台茶店,分別是烏龍站、再來一杯、新開業的貢茶及日出茶太,十分熱鬧。今次試的是總統商場旁的烏龍站,此店門前放了一座遊樂場模型,門面設計有點像台灣車站般,幾搶眼的。景隆街路邊不闊,人流多時真係分分鐘「無掟企」,樓上住宅的冷氣機又不停滴水,等候期間狂中「頭獎」,最好都係入商場避一避。

要了一杯細的大叔珍珠奶茶 ($10),對我來說,500cc 的份量剛剛好,700cc 只是加兩蚊,無疑比較抵飲,但要飲到肚脹又何苦呢。大叔珍珠奶茶名堂特別,但又有點莫名其妙,沖茶的明明是後生仔不是大叔,飲落其實只是一貫的珍珠奶茶味道,多奶少了一份茶香,甜度則要了七分甜,恰到好處。粉圓入口帶點煙韌,份量不多卻正合我意,始終這是飲品而不是食物,珍珠實在無需要放得太多,以至喧賓奪主。

整體穩穩陣陣,沒有驚喜,面對兩大台茶名牌日出茶太及貢茶,能夠殺出一條血路嗎?

烏龍站 (評分 6)
銅鑼灣景隆街8-14號中央樓地下7B舖

沒有留言:

發佈留言

LinkWithin

Related Posts with Thumbnails