2009/11/28

喊得有道理

當值的日子,照舊行落灣仔,見經過這間仙萊茶坊勁多次都從未吃過,一於試試。事前沒有在 Openrice search 過,完全唔知茶坊食評只得喊面無笑面,反正都係普通既茶記格局,一直不以為然。餐牌上主打的是台灣麵食,也有菜飯/珍珠奶茶供應,要了一客豬扒菜飯 ($30),飯跟珍珠奶茶的話要加八蚊,價錢不大吸引,於是多口問問罐裝可樂幾多錢,阿姐話:「加六蚊,平過 7-11 架,出面包你搵唔到!」,六蚊一罐唔貴,但要吹到天上有地下無,簡直令我汗顏,都係快快食完個飯閃人吧!

等候期間,無聊影下餐牌,點知阿姐一手就收起,我望勻前後左右,只係收起我一個餐牌,唔通唔想比我影低?

菜飯送到,第一感覺同其他食家一樣,堂食竟使用即棄餐具,的確少見,身處的又不是大排檔,竟然如此慳皮。先試一口飯,溫溫吞吞,夾起已經一舊舊,擺明閒置已久,幸飯粒倒算柔軟,菜粒不少,是可以接受的。豬扒則掛上濃濃的醬汁,醃得明顯過火,味道略鹹,肉帶一點肥脂,質感雖腍,卻偏鞋口,不太合格。另外,醬汁感覺油膩,跟健康的菜飯好像格格不入。

食物不好,仍不是導致喊面的主因,最慘係店員態度奇差,當我埋單時,阿姐同我講:「我見你影好多食物相喎,你做乜要影呀?」我答:「我鐘意食野時影相~」阿姐講:「我老細唔鐘意人影相架,你影黎做乜?而家清左 D 相佢啦!」我望住佢,點一點頭,轉身就走,心裡暗罵兩個字,「癡線!」

仙萊茶坊 (Blacklisted)
灣仔分域街8-12號君悅居地下C及D舖

沒有留言:

發佈留言

LinkWithin

Related Posts with Thumbnails