2009/11/15

只限今日

星期六,起身煮個公仔麵做早餐,點知阿媽轉頭又買豬腸粉回來,當時已是十點,吃腸粉之際,阿媽又落街行,廿分鐘左右打電話番黎,把聲好似開心大發現咁: “PHD 大批 $49 咋,買個番黎食啦!”,難得佢咁好興致,當然唔會拒絕,結果我唔夠一個鐘內,食齊早餐、早午餐同午餐,唉~響屋企又點可能會減到肥?

是日特價的大批是 PHD 多寶,限定由十一點至五點供應,原價 $128,特價 $49,大約四折的優惠,大批一開八,除開每件約六蚊,的確係平通街,雖明知質素好極有限,也一試無妨。

多寶是番茄底的薄批,材料包括雞肉、辣肉腸、蘑菇、五香肉粒、洋蔥、青椒等,是廉價版的至尊。是日特價,店方沒有將價就貨,配料仍然毫不吝嗇,賣相十分豐富,值得讚賞。餅底是最基本的麵包底,據說是手拉的,卻稱不上脆口,也沒有煙韌口感,無甚特別。配料方面正正常常,我本身喜歡吃辣肉腸的,但這個薄餅的辣肉腸烤得過火,咸咸的肉味外,更帶點燶味,感覺差勁。另外,番茄醬汁調較也有點失準,重酸輕甜,吞掉一件後,已沒有動力再吃。

相比往年,水準其實沒有絲毫進步,當年大批 $70,今次已是 $49,跌幅竟高達三成。平還平,特價只限今日,相信我幫襯 PHD 也絕對只限今日呢!

PHD by pizza hut (評分 4)
將軍澳唐德街9號將軍澳中心地庫1樓B16

沒有留言:

發佈留言

LinkWithin

Related Posts with Thumbnails