2009/11/07

雲南桂林?

某日,人在灣仔唔知食乜好,茫無頭緒下去了消防局隔離的雲南桂林過橋米線,除了因價錢相宜外,亦因為突然想吃紅薯粉。這裡紅薯粉有好幾款,QQ 粉、紅薯粉、細紅薯粉、寬粉等,用料應該差無幾,只是形狀有點不同罷了。

食粉麵,例牌會叫一碟腐乳通菜 ($10),腐乳倒在通菜上,味道不太均勻,菜也好老,感覺不值。

我要了中小麻辣的魚腐豬大腸小窩紅薯粉 ($32),賣相看似豐富,實質大多都是酸菜、韮菜同芽菜,配料並不算多,湯底呈半紅色,味道少辣帶點麻,伴以煙韌紅薯粉,都幾刺激的。

女友要了中小酸辣的豬軟骨木耳重慶酸辣細薯粉 ($28),湯底有層辣油,味道明顯比我的刺激一點,配料正常,唯豬軟骨肉質有點硬,細薯粉比較幼身,入口比較淋唔算太 QQ。最後飲杯凍奶茶,味道當然比不上茶餐廳的出色。

總結,這店水準未見出色,但又不是難吃,平平庸庸,不會留下深刻印象。值得一提,此店鋪店明明是「雲南桂林過橋米線」,餐牌卻寫著「雲桂香米線專門店」,唔通換左老細?

雲南桂林過橋米線 (評分 4)
銅鑼灣駱克道450號地下
是次消費:每人約HKD$45(晚餐)

沒有留言:

發佈留言

LinkWithin

Related Posts with Thumbnails